بحثي في القهوة
انواع القهوة في اسواق الرياض
هذي قهوة هندية اسمها فرحانة
هذولي قهوة هنديات : ام غزال اخضر .. ام غزال احمر .. فرحانة قديمة ... فرحانة جديدة
جاب لي ولدي قهوة من كل الانواع
هذي قهوة حبشية .... هرري ولقمتي
هذي قهوة يمنية : خولانية
قهوة يمنية : برية
هذي من جميع انواع القهوة الموجودة بالسوق بالرياض
هذي قهوة هندية اسمها السويلم منقطعة من السوق عندي قديمة جدا
تصوير القهوة
وتاثير لون الخلفية على منظر القهوة
وزن القهوة
وزنت القهوة ترس الكوب لجميع الانواع اللي عندي
وزن لقط البرية
لقط القهوة
هذا لقطي للقهوة ... فرحانة ... كيف تلقطين القهوة انتي ؟
قهوة باشنفر هرري ... ولقطها
صفيت حبات القهوة من الكبير للاصغر ... لاحظي بينهن سم
هذي الكولومبية هي اكبرهن .... اكبر من ١١ مل
وهذي اليمنية البرية صغار جدا ما اقدر احطهن بجهاز القهوة ... لذا عندي ابريق ياباني مخصص لحمس القهوة .. احمسها فيه على النار
هذي الهندية اقل من ١٠ مل
غسل القهوة
جهزت اكواب ماء لغسل القهوة بث مباشر
غسلت كل نوع لحاله ... ابشوف اي انواع القهوة وسخ
شوفو الاكواب وماء غسيل القهوة .. كل وحده تحتها مكتوب نوع القهوة
النتيجة : اليميات والحبشيات وسخات
والهنديات والكولومبية نظيفات
تجفيف القهوة المغسولة
كل نوع جففته بصحن لحاله
تجربة تجفيف القهوة من قهوة السويلم
غسلت ثلاث ... وخليت وحده بدون غسل ابشوف الفرق ... وجففت كل وحدة بطريقة مختلفة ... ابشوف وش افضل الطرق
اغسلها وبسرعة ... ما ابيها تنقع بالماء
هذا ماء غسيل قهوة السويلم
حطيت وحدة على منشفة وللشمس تجف
جفت بعد ساعة
المقدار الثاني حطيته في صينية فرن وعلى درجة حرارة ضعيفة جدا
لمدة ساعة
ومقدار حطيته في جهاز عندي يجفف كل شي .... هو طبقات ويشبك بالكهرب ... جلس اكثر من ٣ ساعات
لكن هو افضل طريقة
هذا هو الجهاز
حطيته على وسط
جابه لي ولدي من امريكا
هذي اشكال القهوة بعد التجفيف ... كبري الصورة
حطيت القهوة بهالصحون وحمستهن بالفرن على حرارة ١٥٠ درجة لمدة
هذي اماكنهن بالفرن وكل ما قلبتهن اغير اماكنهن ... اخاف مناطق الفرن تختلف ... وبالتالي ما يظبط معي
حمس القهوة المغسولة بالفرن ... بصحون الكنافة
تحميص القهوة
حمصت جميع انواع القهوة بهالقدر وعلى النار الصغيرة ... طريقة مثل الفيشار انفض القدر نفض ...لمدة ١٥ دقيقة ... ما عدا البرية ١٣ دقيقة لانها صغيرة جدا ... والكلومبية ١٦ ديقية لانها كبيرة
حطين منشفة على طاولة وعليها ثلاث مناديل لف ... كل ما اخلص من وحدة من القهوة اخليها تبرد بهالمنديل
انتهت ام غزال اخضر بعد ربع ساعة .... ترا كلن له طريقته بالقهوة ... ناس يبونها حمرا تميل للبني ... وناس يبونها شقرا .... وانس يبونها صفرا ....وكلهن صح ... هي ذوق .... سوي اللي يصلح لكم ....
طحن القهوة
انا احب اطحن القهوة ناعم .... انتي وش تحبين .... سويه ...
حطيت القهوة المطحونه في اكياس .... اللي محترقة منهن طلعت دهن ... هل تلاحظين الدهن بالكيس اسفل ؟
هذا يتكلم عن الوان القهوة
تلقيم القهوة
غليت لتر ماء ٤ اكواب .... وماء التحلية افضل من الماء العادي والذ
صبيته بالملقمة
.... اذا كانت الملقة هاجر ( قديمة ) او مهجورة ... تصير القهوة شينه ... ممكن طبخها بماء وملح ... او ماء وصابون
حطيت عليه ٤ ملاعق قهوة غير معرمة ولا ممسوحة ... وخليته يطبخ
خليتها تطبخ على نار هادية ٥ دقايق
ابعدتها عن النار وتركتها ترتاح .. تصفي
حطيت بالزمزمية ملعقة متوسطة هيل مطحون مع زعفران وقرنفل قليل جدا ... حسب الرغبة ... اذا تحبين تقللين او تكثرين بكيفك
زليت ( صبيت ) القهوة من الملقمة للزمزمية
تقدم مع التمر او الحلا
هذا فديو يشرح قهوة القصيم
وهذا بعد
Iاي الزمزميات تحبين للقهو
انا احب الالمانية ام نقطة حمرا .... غطاها ما فيه فتحة يجمع ريحة .... وتحافظ على الحرارة مدة اطول
هل الفناجيل تغير طعم القهوة ؟
ايهن يعجبك ... الشفاف او الاخر ؟
ممكن نحط القوة بدلة بدال الزمزمية
الدلة القديمة الهاجر شين طعم القهوة فيها حتى لو لمعناها
اجهزة حمس القهوة الكهربائية
هذا جهازياباني لكن ما اعجبني .... ناره هادية وما يقلب القهوة .... جلس فوق الساعة وانا اساعدة بالتقليب ... الواط ٦٠٠
وهذي حماصة ثانية الواط ١٨٠٠ ... حرارتها عالية لكن اللي يدور بطئ وبالتالي تحترق القهوة بسرعة
ما اعجبتني جابها ولدي اغدي تصلح
هذا يسوي تجارب الفرق بحمس الجمر وحمس الكهرب
جربت الفرن الكهربائي يجي معه درم رحت لبيت ولدي اجربه .... يدور للبطاطس .... لكن بارد ... جلس ساعة كاملة ما سمعت اي صوت طق ....
يعني تفطيس للقهوة ... القهوة تحتاج لنار عالية نوعا ما ..... ما اعجبني
جربت الفرن المخصص للقهوة من ولدي جابه معه من امريكا سعره عالي لكن يبل الكبد ....
يجي له درم احط فيه القهوة ثم اسوي الاعدادات له .... ممتع وسريع
ضروري اوزن القهوة وانفذ تعليمات الجهاز .... التعليمات جابوها لي عيالي من النت
ربع باوند .... ثمن كيلو احطه على اقل حرارة p5 شوفوها الازرار تحت الزائد والناقص ... تجلس ٨ دقايق ... ثم ١٢ دقيقة للتبريد .... وهي تطفي حالها
هذا الدرم حقها
هذا شكلها وهي تشتغل ... فيها لمبه
ممكن تطفين او تولعين اللمبة
بعد ما اخلص من الحمس انطفها بهالفرشة جاية معها واتركها تبرد
هذا فديو للجهاز بيهمور ..
هذا جهاز لتحميص القهوة
وهذا جهاز ثاني
وهذا بعد يحمس القهوة على الحطب
انا اقول : ودكم ياصل هالعلم ل المنتجين عندنا اغديهم يسوون للقهوة مثله وافخم ... مثل السنيدي
هذا يتكلم عن القهوة من ناحية علمية
تبريد القهوة
بحث بنتي للقهوة
